දින කීපයක වර්ෂාවත් සමග අඹන්ගඟ පිටාර ගලා උන්හිටිතැන් අහිමිවූ පවුල් තිහක් නාවුල සිට මොරගහකන්ද දක්වා ප‍්‍ර‍්‍රධාන මාර්ගය දෙපස සිටින බව දැක ගැනීමට හැකිවිය. ඔවුන්ගේ නිවාස සම්පුර්ණයෙන්ම ජලයට ගසාගෙන ගොස් ඇත. ඇඳිවත හා ජීවිත පමණක් ඉතිරිවී ඇත. පාසල් දරුවන්ගේ පොත්පත් ඇඳුම් පැළඳුම් සියල්ම විනාශ වී ගොසිනි. ඇතැම් නිවාස තිබූ තැනක්වත් සොයා ගැනීමට නොහැකිය. ඔවුහු දැන් අසල්වැසි නිවෙස්වල සිටිති.