(තිලකරත්න දිසානායක )

2024 උසස් පෙළ විභාගයේ කලා අංශයෙන් ප්‍රථම ස්ථානය ගම්පහ රත්නාවලී බාලිකා විද්‍යාලයේ සෙනලි චමත්කා රණසිංහ සිසුවියත් ගණිත අංශයෙන් දිවයිනෙන්ම ප්‍රථම ස්ථානය ගම්පහ බණ්ඩාර නායක විද්‍යාලයේ රන්සර කුමාරගේ සිසුවා සමත් වූහ.

රාගම , බටුවත්ත ප්‍රාථමික විද්‍යාලයෙන් මූලික අධ්‍යාපනය ලබා ඇති සෙනලි සිසුවිය ශිෂ්‍යත්ව විභාගයෙන් ලකුණු 164 ලබා ගනිමින් රත්නාවලී බාලිකාවට ඇතුලත්ව ඇත.

අ.පො.ස (උසස් පෙළ ) විභාගයේ ගණිත අංශයෙන් දිවයිනෙන්ම ප්‍රථමයා වීමට ගම්පහ බණ්ඩාරනායක විද්‍යාලයේ ලෙසදු රන්සර කුමාරගේ සිසුවා සමත්ව ඇත.

රන්සර කුමාරගේ සිසුවා වේයන්ගොඩ ශාන්ත මරියා විද්‍යාලයෙන් මූලික අධ්‍යාපනය ලබා 5 වසර සමත්ව බණ්ඩාරනායක විද්‍යාලයට ඇතුලත්ව මෙම ජයග්‍රහණය හිමිකරගෙන ඇත.

ජෛයිව විවිධත්ව තාක්ෂණ වේදය විෂයෙන් ලංකාවේ ප්‍රථමයා වීමට සඳලංකාව මැදි විදුහලේ නෙත්මි නවෝද්‍යා මාරසිංහ සිසුවිය සමත් වූවාය.

ජීව විද්‍යා අංශයෙන් දිවයිනේ පළමු ස්ථානය කුරුණෑගල මලියදේව බාලිකා විද්‍යාලයේ  සඳිති නිම්හාරා සිසුවිය විසින් හිමිකර ගත්තාය.

රන්නාවලී බාලිකාවේ සෙනලි චමත්කා රණසිංහ

බණ්ඩාරනායක විදුහලේ ලෙසඳු රන්සර කුමාරගේ