(තිලකරත්න දිසානායක)

ගම්පහ පොදු වෙළඳ පොලෙහි වෙළඳුන් 58 දෙනෙකු ක්ෂණික ප්‍රතිදේහ පරීක්ෂාවට ලක්කිරීමේදී ඉන් 18 දෙනෙකු ආසාදිතයින් බවට තහවුරු වූ බව ගම්පහ සෞඛ්‍ය වෛද්‍ය නිලධාරී සුභාෂ් සුභසිංහ මහතා සඳහන් කරයි.

මෙම අයහපත් තත්ත්වය මත පොදු වෙළඳ පොල වසා දැමීම සුදුසු බවට තමන් ගම්පහ නගරාධිපතිවරයා දැනුවත් කළ බව සෞඛ්‍ය වෛද්‍ය නිලධාරීවරයා පැවසීය.

මේ හේතුවෙන් අද (6) සවස එම වෙළෙඳ පොල සම්පූර්ණයෙන්ම වසා දැමීමට පියවර ගත් බව ගම්පහ පුරපති එරංග සේනානායක මහතා පැවසීය.

හෙට (07) දිනයේ ගම්පහ නගරයෙහි පොදු වෙළෙඳ පොල අවට වෙළෙඳසැල් හිමිකරුවන් සහ සේවකයින්ද පී.සී.ආර් පරීක්ෂණයට භාජනය කිරීම පිණිස ගම්පහ සෞඛ්‍ය වෛද්‍ය නිලධාරිවරයා සමග සාකච්ඡා කළ බවත් පුරපතිවරයා කීය.