රුපියල් ලක්‍ෂ 29 ක රට සල්ලි පරිගණක ස්පීකර අස්සේ සඟවා ඉන්දියාවේ මුම්බායි බලා යෑමට ආ ඝානා ව්‍යාපාරිකයකු කටුනායක ගුවන් තොටේදී අත්අඩංගුවට ගත් බව රේගු මාධ්‍ය ප‍්‍රකාශක රේගු සමාජ ආරක්‍ෂණ අංශයේ  අධ්‍යක්‍ෂක ලෙස්ලි ගාමිණි මහතා පවසයි.
 ඔහු ළඟ ගුවන් ගමන් බලපත් දෙකක් තිබීම ගැන සැක කළ රේගුව ඔහුගේ මලූ පිරික්සද්දී අත තිබූ බෑගයක් බිමට දමා ඇතැයි ඇමෙරිකා ඩොලර් එහි සඟවා තිබිණැයි  ද රේගුව කියයි.
රේගු අධ්‍යක්‍ෂක ජනරාල් ජගත් පී. විජේවීර නියෝජ්‍ය  රේගු අධිකාරී පී.ජී.පී. වටවල සහකාර රේගු අධිකාරීවරුන් වන හසන්ත කෞෂල්‍ය සහ ඩිලාන් වීරරක්න දුමුදු සිරිසේන, තුෂාර පෙරේරා, අමිල බාලසූරිය, සාගර කුමාර, බුද්ධි දි සිල්වා යන මහත්වරු පරීක්‍ෂණ කරති.