ශ්‍රී ලංකාවේ උසම කඳුවැටිය වන පිදුරුතලාගල බටහිර බෑවුමේ මුහුදු මට්ටමේ සිට අඩි 7590ක් උසින් ස්වභාවික ගහ කොළ කපා මහා විනාශයක් කර ඇතැයි නුවරඑළිය අඩවි වන පාලක ආර් ඩී ඒ පී ජයසිංහ මහතා කියයි.

අඩි 8281ක් උසැති පිදුරුතලාගල මුහුදු මට්ටමේ සිට අඩි 5000කට උසින් සිදු කැරෙන පාරිසරික හානි නතර කර ගැනීමට නොහැකි වී ඇත.

කොත්මලේ ජලාශයේ ජල පෝෂක ප්‍රදේශය ද ශ්‍රී ලංකාවට ආවේණික පැළෑටි, වන සතුන්, කුරුල්ලන් හා මල් වලින් ද සපිරි පිදුරුතලාගල බොහෝ දුර්ලබ ශාඛ ද ඇත.

හිමාලයේ පමණක් වැඩෙන ශාඛ වර්ග ද පිදුරුතලාගල දැකිය හැකියි.

රජයේ රේඩාර් පද්ධතියේ කේන්ද්‍රස්ථානයක් වන පිදුරුතලාගල අති අධි ආරක්ෂක කලාපයකි.

නුවරඑළිය මහ දිසාපති ඩී පී ජී කුමාරසිරි මහතා පැවසුවේ මේ වන විට රක්ෂිතයට හානි කිරීම නතර කරන ලෙසට වන සංරක්ෂණ නිලධාරීන්ට උපදෙස් දී ඇති බවයි.

අනවසරයෙන් රක්ෂිතයට ඇතුළුවී වටිනා ගහකොළ කපා කර ඇති හානිය වෙනුවෙන් අදාළ පුද්ගලයනට විරුද්ධව නීති මගින් කටයුතු කර ලෙස අදාළ අංශ වෙත දැනුම් දුන් බව ද හෙතෙම පැවසීය.