කළුබෝවිල හා පානදුර රෝහල්හි මෘත ශරීරාගාර ශීතාගාර අබලන් වීම නිසා මළ සිරුරු සඳහා ඉඩකඩ සීමා වී ඇත.

කළුබෝවිල ශීතකරණ ලාච්චු 36කි. ඉන් 24ක් පිරී ඇත. 12කැඩී ගොසිනි. එයින් සිරුරු 12ක් අඳුනාගෙන නැත. තැන්පත් කර ඇත්තේ අට මාසයකට කලිනි. එම සිරුරු ඉවත් නොකිරීම බලවත් ප්‍රශ්නයක් බව රෝහල් අධ්‍යක්ෂ දොස්තර අසේල ගුණවර්ධන කියයි.

පානදුරේ මිය ගිය ජෝඩුවගේ හා දරුවාගේ සිරුරු හරවා යැවූයේ ඉඩ නැතිවීම නිසා යැයි ද ඔහු කියයි.

පානදුර රෝහලේ තෙකලා විදුලිය සම්බන්ධ ශීතකරණය වසර දෙකක සිට කැඩී තිබේ. අලුත්වැඩියාවට රුපියල් ලක්ෂ 11ක් ඉල්ලයි. එහෙත් අලුත් ශීතකරණයට මිල රුපියල් ලක්ෂ 17කි. එහි එකලා විදුලියෙන් ක්‍රියාත්මක ශීතකරණය දෙසතියකට පෙර කැඩී ගියේය. එය දැන් අලුත්වැඩියා කරන බව රෝහල් අධ්‍යක්ෂ දොස්තර පියල් සමරවීර පවසයි.