රත්නපුර නගරය අධි අවදානම්

(ලසන්ත නිරෝෂණ පෙරේරා)

රත්නපුර නගරය කොරෝනා වසංගත තත්වය පැතිර යාම හේතුවෙන් අධි අවදානම් මට්ටමකට පත්ව ඇති නිසා රත්නපුර නගරයේ පාසල් තුනක් තාවකාලිකව වසා දැමිමට තීරණය කර තිබේ. හෙට සිකුරාදා දිනයේ නගරයේ සියලුම මුස්ලිම් පල්ලි වසා දැමමටද තීරණය විය.

අද (17) පස්වරුවේ හදිසියේ රැස් වූ කොරෝනා වෛරස් මර්ධන රත්නපුර දිස්ත්‍රික් කාර්යය සාධන බලකා කමිටුවේදී මෙම තීරණ ගැන සබරගමු පළාත් ආණ්ඩුකාර ටිකිරි කොබ්බෑකඩුව මහතා දැනුම් දුන්නේය.

රත්නපුර කුඩුගල්වත්ත ප්‍රදේශයේ අහඹු ලෙස පී.සී.ආර්. පරීක්ෂණ සිදු කරන ලද 20 දෙනෙකුගෙන් 07 කුට කොරෝනා වෛරසය ආසාදනය වී ඇති බව සදහන් කළ ආණ්ඩුකාරවරයා පැවසූයේ මෙහි ඇති අවදානම මොවුන් සියලු දෙනා අහඹු ලෙස තෝරා ගත් අයවළුන් වීම බවය.

හෙට (18) සිකුරාදා දිනයේ රත්නපුර නගර සීමාවේ සියලු මුස්ලිම් පල්ලි වසා දැමීමට කමිටුව විසින් තීරණය කරන ලද අතර රත්නපුර දිස්ත්‍රික්කයේ සියලු මුස්ලිම් පල්ලිවල ආගමික වතාවත් බැතිමතුන්ගෙන් තොරව සිදු කරන ලෙස කමිටුව ඉල්ලා සිටී.

රත්නපුර සෙලාන් බැංකු හංදියේ සිට ඩිපෝ හංදිය දක්වා සියලු කඩ සාප්පු වසා දැමීමට තීරණය කරන ලද අතර ජනතාවගේත්, වෙළඳ ප්‍රජාවගෙත් ආරක්ෂාව සදහා එම කඩ සාප්පු වසා තබන ලෙස සියලු වෙළඳ ප්‍රජාවගෙන් කමිටුව ඉල්ලා සිටී.

පවතින අවදානම් තත්වය හමුවේ රත්නපුර නගරයේ පාසල් 03ක් මෙම මස 18 වෙනිදා සිට 23 වෙනිදා දක්වා වසා තැබීමට තීරණය කරන ලදී. රත්නපුර සීවලි මහ විද්‍යාලය, ගොඩිගමුව ධර්මරාජ විද්‍යාලය සහ රත්නපුර අල්මකියා විද්‍යාලය එම පාසල් ත්‍රිත්වයයි.

සියලූ මැණික් ව්‍යාපාරිකයන් අඹ ගහයට, ඔරලෝසු කණුව, දෙමුවාවත යන ප්‍රදේශ තම ව්‍යාපාර සදහා භාවිතා නොකරන ලෙස කමිටුව දැනුම් දෙන අතර ඒ සදහා රත්නපුර සීවලී ක්‍රීඩාංගණය භාවිතා කරන ලෙස දැනුම් දෙනු ලැබේ.

රත්නපුර නගරය ආශ්‍රිතව පදික වෙළඳාම ද පවතින තත්වය හමුවේ තහනම් කෙරේ. රත්නපුර ගොඩිගමුව ප්‍රදේශයට තවදුරටත් සංචරණ සීමා බල පැවැත්වේ.

රත්නපුර මේ වන විට කොරෝනා ආසාධිතයින් සංඛ්‍යාව 572 කි.

පවතින අවදානම් තත්වය පහව යන තෙක් රත්නපුර නගරය ආශ්‍රිතව සංචරණ සීමා කරන ලෙස සෞඛ්‍ය බලධාරීන් රත්නපුර ජනතාවගෙන් ඉල්ලා සිටී.

අදහස් (3)

රත්නපුර නගරය අධි අවදානම්

Faizal Friday, 18 December 2020 04:38 AM

බොරු කියන්න එපා. කොරෝනා කියලා ආගම අදහන්න, පල්ලි යන්න බිස්නස් කරන්න... තියෙන නිදහස නැති කරන්න දෙන්න බැහැ.

: 29 2

jayasekaraFriday, 18 December 2020 07:23 AM

එහෙනම් කොරෝනා හදාගෙන මැරිලා පෝරණු ඇතුලේ පිච්චෙයි. මෙ වගේ මෝඩ ජාතියක්...

: 0 12

කමල් Saturday, 19 December 2020 07:34 AM

පරිස්සමෙන්... !!!

: 0 0

ඔබේ අදහස් එවන්න

එසැණ පුවත්

කුඩු කිලෝ 494ක් විනාශ කරයි

2025 අප්‍රේල් මස 28 223 0

පොලිස් මත්ද්‍රව්‍ය කාර්යාංශය හා නාවික හමුදාව 2021 හා 2022 දී අත් අඩංගුවට ගත් හෙරෝයින් කිලෝ 494කට අධික ප්‍රමාණයක් පුත්තලම මහෙස්ත්‍රාත් අයෝමා විමලවිර මහත්මි

අධිවේගීයේ අනතුරින් අයෙක් මරුට 3කට තුවාල

2025 අප්‍රේල් මස 28 823 0

දක්ෂිණ අධිවේගී මාර්ගයේ කහතුඩුව කොට්ටාව අතර කිලෝමීටර් 5.4 ප්‍රදේශයේදී සිදු වූ අනතුරකින් අයකු මියගොස් තිදෙනකු තුවාල ලැබූ බව දක්ෂිණ අධිවේගී රථ වාහන පොලි

රතු ලේබල් ඇලවූ කන්ටේනර් 323ක් වරායෙන් පිට කරලා

2025 අප්‍රේල් මස 28 555 0

වැඩිදුර පරීක්ෂා කිරීමට අවශ්‍යව වරායේ තිබූ රතු ලේබල් ඇලවූ සැකකටයුතු කන්ටේනර් තුන්සිය විසිතුනක් හිටි හැටියේ පිට කිරීම බරපතළ සැකයට තුඩු දෙන කාරණයක්

අමාත්‍ය බිමල් - පලස්තීන තානාපති අතර විශේෂ හමුවක්

2025 අප්‍රේල් මස 28 229 0

ප්‍රවාහන, මහාමාර්ග, වරාය සහ සිවිල් ගුවන්සේවා අමාත්‍ය බිමල් රත්නායක මහතා සහ ශ්‍රී ලංකාවේ පලස්තීන තානාපති ඉහාබ් කලිල් මහතා අතර විශේෂ හමුවක් එම අමාත්‍ය

කොම්පඤ්ඤවීදීය ගුවන් පාලමේ ඉදිකිරීම් ප්‍රමාදයෙන් කෝටි 40ක පාඩුවක්

2025 අප්‍රේල් මස 28 848 0

කොම්පඤ්ඤවීදීයේ පොලිසීයට යාබදව බාලදක්ෂ මාවතේ සිට චිත්තම්පලම් ඒ. ගාඩ්නර් මාවත දක්වා ඉදිකෙරෙමින් පවතින ගුවන් පාලමේ ඉදිකිරීම් ප්‍රමාදය හේතුවෙන් රුපිය

අකුණු සැර වැදී කතක් මරුට

2025 අප්‍රේල් මස 28 199 0

අකුණු සැර වැදීමෙන් හාලිඇල නෙළුව වතුයායේ තේ දළු නෙලමින් සිටි කාන්තාවන් හය දෙනෙකු අද (28) සවස තුවාල ලබා රෝහල් ගත කර ඇතැයි ද එක් කාකාන්තාවක් ජීවිතක්ෂයට පත්