(කේ.ආර්.රාජමන්ත්රී )

ඌවපරණගම නහකඩිය හන්දියේදි සිදුකළ වාහන පරීක්ෂාවකදි තහනම් පිහි වර්ග 05ක්, ගංජා මිලිග්‍රෑම් 1060ක්, නිධන් හෑරීමට ගන්න පුජා භාණ්ඩ සමඟ පුද්ගලයන් 7කු අත්අඩංගුවට ගත් බව ඌවපරණගම පොලිසිය පවසයි.

ඌවපරණගම පොලිසියේ රථවාහන අංශයේ  නිලධාරීන් වැලිමඩ උඩුපුස්සල්ලාව මාර්ගයේ නහකඩිය හන්දිය අසල කල් ඉකුත්වූ ආදායම් බලපත්‍රයක් සහිත වෑන් රථයක් පරීක්ෂා කරමින් සිටියදී, ආසන යට සැඟවූ මෙම භාණ්ඩ සොයාගෙන ඇත.

මෙම සැකකරුවන්  වයස අවුරුදු 48 හා 28 අතර පසුවන තණමල්විල පදිංචි කරුවන් බවත් පොලිසිය පවසයි. 

මෙම සැකකරුවන්  තණමල්විල සිට උඩුපුස්සල්ලාව හරහා මහනුවර දක්වා  වෑන්රථයක් කුලි ගමනක්  යන බවට ප්‍රකාශ කළ බවත්, තහනම් පිහි සහ සෙසු භාණ්ඩ රැගෙන යමින් සිටියේ, නිධානයක් ගැනීමට හෝ වෙනත් අපරාධයක් සඳහාදැයි පරීක්ෂා කරන බවත් පොලිසිය කියයි.