හිරාන් ප්‍රියංකර ජයසිංහ
 
නියඟය හමාර කරමින් වැසි ලැබී ගොවි බිම් සශ්‍රීක කරන ලෙස ආයාචනය කරමින් නවගත්තේගම ඇතුළු ප්‍රදේශ ගණනාවක ජනතාව ජයශ්‍රී මා බෝ සමිඳුන් වෙත දින තුනක විර්ය පාරමිතා පා ගමනක් ආරම්භ කළහ.
 
 17 වැනි වරටත් සංවිධානය කර තිබූ මෙම විර්ය පාරමිතා පාද චාරිකාව පසුගිය යුද සමයේ රණවිරුවන්ට ආශීර්වාද කරමින් ආරම්භ කළ බවත් ඉන් පසු විවිධ හේතු මුල් කරගනිමින් නවගත්තේගම මුල්ලේගම රජමහා විහාරස්ථානයේ සිට කිලෝ මිටර් 75 ක් දුර ගෙවමින්   ජය ශ්‍රී  මා බෝධින්  වහන්සේ ගේ ආශීර්වාද අයදිමින් ගමන් කරන  බවත් එහි ප්‍රධාන සංවිධායිකාව වන එච් .ඒ .සුමනාවතී මහත්මිය පැවසුවාය.
 
 මෙවර මෙම විර්ය පාරමිතා පාද චාරිකාවේ අරමුණ වී ඇත්තේ   නවගත්තේගම ඇතුළු ප්‍රදේශ ගනනාවකට වසර හතරකට අධික කාලයක් පුරා වැසි නොලැබීම හේතුවෙන් ජනතාව අත් විඳින පීඩාවෙන් මුදවා ගෙන වැසි ලබා දෙන ලෙසට ජය ශ්‍රී මා බෝධින් වහන්සේගේ ආශීර්වාද ලබා ගැනීම   බව ද ඇය කීවාය.   
 
 මෙම පාද චාරිකාවට 400 කට ආසන්න  පිරිසක් එක්ව සිටිති.    ඇසළ පොහෝ දින අනුරාධපුර යට ළඟා වීමේන් පසු ජය ශ්‍රී මා බෝධින් වහන්සේ අභියස  ආගමික වතාවත්වල නිරත වීමට නියමිතව ඇති බව සංවිධායකයෝ කියති.