ජාත්‍යන්තර ආර්යුවේද අපනයන සහ දේශීය සෞඛ්‍ය ආරක්ෂණ නිපැයුම් වෙළඳ ප්‍රදර්ශනය ජුලි මස 3,4,5, වැනි දින වලදී කොළඹ බණ්ඩාරනායක අනුස්මරණ සම්මන්ත්‍රණ ශාලාවේදී පැවැත්වීමට නියමිත බව එහි සම්බන්ධිකරණ මෙහෙයුම් නිලධාරි රියාද් තානාපති කාර්යාලයේ වාණිජ ලේකම් ගයාන් රාජපක්ෂ මහතා කියයි.
මෙම වෙළඳ ප්‍රදර්ශනය සහ සම්මන්ත්‍රණය මගින් සියලු දේශීය සෞඛ්‍ය ආරක්ෂණ සේවා සහ දැනට භාවිතා වන දේශීය ආයුර්වේද ප්‍රතිකාර ක්‍රමවේදයන් ලොව පුරා ප්‍රචලිත කිරීම ප්‍රධාන පරමාර්ථය බව කියති.
ආයුර්වේද ශාඛසාර නිෂ්පාදන,පරිසර හිතකාමී සෞඛ්‍ය ආරක්‍ෂිත ආහාර පාන වර්ග මෙන්ම ,සෞඛ්‍ය මධ්‍යස්ථාන රෝහල් ආයුර්වේද සායන,අධ්‍යාපන ආයතන, යෝගා, කටු චිකිත්සාව, හෝමියෝපති, රුපලාවන්‍ය නිෂ්පාදන, ශාක සාර විලවුන්, ආලේපන වර්ග සහ ආයුර්වේද දේශීය වෛද්‍ය නිෂ්පාදන පිළිබඳ සම්මන්ත්‍රණ හා දේශන පවත්වනු ලබනුයේ ආයුර්වේද හා දේශීය වෛද්‍ය විද්‍යාව පිළිබඳ ප්‍රවීණ ලාංකික හා ජාත්‍යන්තර දේශකයන් විසිනි.
,මෙම සමුළුව පිළිබඳව වැඩි විස්තර සඳහා ගයාන් රාජපක්ෂ වෙළඳ ලේකම් ශ්‍රී ලංකා තානාපති කාර්යාලය රියාද් 00966504481634 09960 114608251 හෝ විද්යුත් තැපැල් [email protected] වෙතින් ලබාගත හැකිය.
