දඹුල්ල ලංකාදිප මාධ්‍යවේදි කාංචන කුමාර ආරියදාස මහතාගේ වසර 15 මාධ්‍ය දිවියේ අසරණ ජනතාව වෙනුවෙන් සිදුකල හෙලිදරව් තුලින් ඉදිවු 47 වන නිවස ගෙහිමියන්ට බාරදීම ඊයේ 14 දින මධ්‍යම පළාත් ජේෂ්ඨ නියොජ්‍ය පොලිස්පති ගාමිණි දිසානායක මහතාගේ ප‍්‍රධානත්වයෙන් දඹුල්ලේදි සිදු කෙරින.

පසුගිය ඔක්තොම්බර් මස දඹුල්ල රත්මල්ගහ ඇල පදිංචි ජේ. පි. සුධර්මා රත්නමාලි මහත්මියගේ පවුලේ අසරණ කම පිලිබද පුවත පල විමත් සමග දඹුල්ල මුලස්ථාන පොලිස් පරීක්ෂක සාරානාත් සමරකෝන් මහතා සිය නිලධාරි කණ්ඩායමත් සමග මෙම පවුලට පොලිස් නිලධාරින්ගේ වැටුපෙන් ආධාර මුදලක් ද ලබා දිීමට තරම් පොලිස් නිලධාරිහු ආදර්ශමත් වුහ.

ලොව පුරා සිටින විවිධ අය තමන්ට හැකි අයුරින් නිවස ඉදිකර දිම සදහා ආධාර උපකාර කිරිමින් නිවසේ ඉදිකරීම් එක් එක් අය කොටස් වශයෙන් භාර ගත්හ.

තිස්සමහාරාම ප‍්‍රදේශයේ පදිංචි ප‍්‍රදිප් සමන් කුමාර නැමිති තරුණයා මෙම නිවස ඉදිකර දිමට සම්පුරණ ශ‍්‍රමදායකත්වය ලබා දිමට කටයුතු කලේය.