(සුජිත් හේවාජුලිගේ සහ අංජුල මහික වීරරත්න)
ජීඑස්පී ප්ලස් දිනා ගැනීම සඳහා විපක්ෂයේ සහාය දීමට සූදානම් බව විපක්ෂ නායක සජිත් ප්‍රේමදාස මහතා පාර්ලිමේන්තුවේදී අද (19) පැවසීය
මෙම බදු පහසුකමෙන් රටේ කර්මාන්තශාලා රැකීරක්ෂා බිහිවන බවද ඔහු සඳහන් කළේය.
වර්තමාන ඇමෙරිකානු ජනාධිපතිවරයාගේ බදු ප්‍රතිපත්තිය අනුව මේ බදු පහසුකම දිනා ගැනීම ලොකු අභියෝගයක් බව තමා පිළිගන්නේ යැයිද විපක්ෂනායකවරයා පැවසීය.
ඔහු මෙසේ පැවසුවේ වෙළඳ වාණිජ ආහාර සුරක්ෂිතා සහ සමුපකාර සංවර්ධන අමාත්‍යාංශයේ වැය ශීර්ෂය පිළිබඳ අයවැය කාරක සභා අවස්ථාවේ විවාදයේදීය.
පාරිභෝගිකයාගේ ආරක්ෂාව සුරක්ෂා කරන අලුත් ක්‍රමවේදයකට යා යුතු බවත් අලුත් නීති හඳුන්වා දිය යුතු බවත් ප්‍රේමදාස මහතා පැවසීය.
ජනතාව ජීවත්වන්නේ සතුටින්ද කියන කාරණය රජය සොයා බැලිය යුතු බව පැවසූ විපක්ෂනායකවරයා ඔබලාට දස ලක්ෂ ගණනින් උදව් කළ ශුද්‍ර කුඩා මධ්‍ය පරිමාණ කර්මාන්තකරුවන් අමතක නොකරන්නැයි ඉල්ලීමක් කරන බවද ප්‍රකාශ කළේය.
අමාත්‍ය වසන්ත සමරසිංහ මහතා:
ලබන සැප්තැම්බර් මාසයේදී මේ ගැන සාකච්ඡා කරනවා. ඇමරිකාව තමයි අපේ ලොකුම අපනයනකරුවා. අපේ පැත්තෙන් කළ හැකි මැදිහත්වීම කරනවා
