ජනපතිවරණ සමයේ ජනපති මෛත්‍රිපාල සිරිසේන මහතාට අපහාසයක් වන පරිදි බාලවයස්කාර දරුවකු යොදා ගනිමින් රූපවාහිනී දැන්වීමක් ප්‍රචාරය කළැයි කියන සිද්ධියක් සම්බන්ධයෙන් වූ නඩුවේ උදෘත ගොනුව නීතිපතිවරයා අධ්‍යයනය කරන බව රජයේ නීතිඥ වරුණි හෙට්ටිගේ මහත්මිය කොළඹ අතිරේක මහේස්ත්‍රාත් දුලානි එස්.අමරසේකර මෙනවිය හමුවේ සඳහන් කළාය.
බාලවයස්කාර දරුවකු යොදා ගනිමින් රූපවාහිනී දැන්වීමක් නිර්මාණය කර එය ජනපතිවරණ සයේ ප්‍රචාරය කළ ස්වාධීන රූපවාහිනී සංස්ථාවේ හිටපු ප්‍රවෘත්ති අධ්‍යක්ෂක සුදර්මන් රදළියගොඩ ඇතුළු සැකකරුවන් 12 අද අධිකරණයේ පෙනී සිටි අවස්ථාවේ මෙම කරුණු අනාවරණය විය.
