(අංජුල මහික වීරරත්න)
ජාත්‍යන්තර මූල්‍යය අරමුදල සමග නිව්යෝක් නුවරදී ආණ්ඩුව සිදුකළ සාකච්ඡා වල ඇත්ත තත්ත්වය ජනාධිපතිවරයා වහා රටට හෙළි කළ යුතු බව හිටපු ජනාධිපති එක්සත් ජාතික පක්ෂ නායක රනිල් වික්‍රමසිංහ මහතා අතුරුගිරියේදී පැවසීය.
ආණ්ඩුව ඉදිරිපත් කර තිබෙන යෝජනා සියල්ල ක්‍රියාත්මක කළහොත් අයවැය පරතරය රුපියල් බිලියන 2500 දක්වා වැඩි විය හැකි බව කී හිටපු ජනාධිපතිවරයා නැවත පෝලිම් ඇති වෙනවාද? උද්ධමනය වැඩි වෙනවද? රුපියල බාල්දු වෙනවද? පොලිය වැඩි වෙනවද යන කාරණය ජනතාව දැනගත යුතු යැයි කීය.
ගෑස් සිලින්ඩරය ලකුණ යටතේ නව ප්‍රජාතන්ත්‍රවාදී පෙරමුණෙන් ඉදිරිපත්ව සිටින කොළඹ දිස්ත්‍රික් අපේක්ෂකයන්ගේ ජය තහවුරු කිරීම සඳහා අතුරුගිරියේදී මෙම ජනරැළිය පැවැත්විණ.
