ඇපමත සිටි දිවයිනේ නම ගිය අපරාධකරුවකු බව කියන පුද්ගලයකු ඉංගිරියේ තේ කම්හලක අයකැමිවරියකගේ මාලය කොල්ලකා පැන ගොස් 24 පැයක් යන්නට පෙර අත්අඩංගුවට ගැනීමට හැකිවූ බව ඉංගිරිය පොලිසිය කියයි.
යතුරුපැදියකින් ආ බව කියන සැකකරු ලේන්සුවකින් මුහුණ බැඳගෙන අයකැමිවරියට පහර දී ඇතැයි ද ඇය ද ඔහුට පා පහරක් එල්ල කර ඇතැයි ද එම පහරින් ඇද වැටුණු ඔහු යළිත් නැගිට මාලය කඩාගෙන පැන දිවූ බවද පොලිසිය පවසයි. එහෙත් ඔහුගේ යතුරුපැදිය හා මුදල් පසුම්බියේ තිබූ හැඳුනුම්පතින් ඔහු අත්අඩංගුවට ගත් බවත් පානදුර ගල්කිස්ස හා කොළඹ සොරකම්, කොල්ලකෑම් හා හෙරොයින් කුඩු ජාවාරම් ඇතුළු අපරාධ 39කට ඔහු සම්බන්ධ බවත් පොලිසිය පවසයි.
