තම බිරියට අතුරුගිරියේ නිවසේ දී වෙඩි තබා තුවාල කළැයි කියන හමුදා ලුතිනල් කර්නල් ප්‍රදීප් කුමාර නෙත්තසිංහ මනුෂ්‍ය ඝාතනයක් කිරීමට තැත් කළැයි සැකපිට අතුරුගිරිය පොලිසියෙන් අද (30) අත්අඩංගුවට ගනු ලැබීය.
බිරියට වෙඩි තැබූ බව කියන අවිය සොයන බව පොලිසිය කියයි
අතුරුගිරියේ දී බිරියට වෙඩි තැබීමේ සිද්ධිය සම්බන්ධයෙන් සැකපිට අත්අඩංගුවට ගත් ලුතිනන් කර්නල් ගේ ගිනි අවිය දියවන්නා ඔයේ ජපන් මිත්‍රත්ව පාලම යටින් ගොඩගැනීමට ඔහුගේ සහායකයා සහ රියදුරා සහාය වූ බව පොලිසිය කියයි.
කර්නල් එහි පැමිණියේ නැත. බිරියට වෙඩි වැදුණු දිනයේ කර්නල් ඔහුගේ නිල රියෙන් නිවසට ගිය බවට ලැබුණු තොරතුරු පරීක්ෂා කරන බවද පොලිසිය පවසයි.
අතුරුගිරියේ කතකට වෙඩි තැබීම සඳහා යොදාගත් බව කියන පිස්තෝලයේ අංක මකා ඇතැයි ද කොටි සංවිධානයට අයත් දැයි සොයා බලන බව පොලිසිය කියයි.
උතුරෙන් මෙම පිස්තෝලය දකුණට ගෙනවුත් වේයන්ගොඩ පැත්තේ ගෙදරක සඟවා තබන්නට ඇතැයි ද වෙඩි තැබීම සිදුවූ දිනයේ මෝටර් රියක අංක වෙනස්කර කළු කමිසයක් හා කලිසමක් ඇඳ සිටි පුද්ගලයකු එම රිය පදවාගෙන ගොස් ඇති බවද පොලිසිය පවසයි. එම පුද්ගලයා දෙවරක්ම ඇඳුම් මාරු කර ඇති බව පෙනේ යැයි ද කියති.
ජායාරූප බිමල් ශ්‍යාමන් ජයසිංහ
ජායාරූප - ශාන්ත කුලරත්න
වීඩියෝ - බිමල් ශ්‍යාමන් ජයසිංහ
