පොලිස් ප්‍රහාරයෙන් එක්දරු පියකු මියගිය බව කියමින් ඇඹිලිපිටිය නගරයේ අද (7) උදේ පොලිසියට එරෙහි විරෝධතාවයක් ඇරඹීමත් සමග නගරයේ කළු කොඩි ඔසවා කඩ වසා දැමිණි.

නගරයේ වාහන තදබදයක්ද ඇති විය. ඔරලෝසු කණුව අසල දහසකට වැඩි පිරිසක් පොලිසියට විරෝධය පාති.

පොලිසිය හෝ හමුදාව නගරයේ කිසිම තැනක දක්නට නැත. තැන තැන ටයර් පුළුස්සමින් විරෝධතා පුවරුද ඔසවමින් උද්ඝෝෂකයෝ විරෝධය පාති.

මියගිය සුමිත් ප්‍රසන්න ජයවර්ධන මහතාගේ  ඡායාරූප අැලවූ මිනී පෙට්ටියක් ගෙනවුත් ඇඹිලිපිටි නගරයේ ඔරලෝසු කණුව අසල තැන්පත් කර තිබිණි.

(මිය ගිය පුද්ගලයාගේ ජායාරූපය )

ඡායාරූප - යසිත නලින් ජයවීර

ඡායාරූප - දිලිප් ජයසේකර