චිත්‍රපට අධ්‍යක්ෂවරයෙකු මෙන්ම නිෂ්පාදකවරයෙකු ලෙසද බොලිවුඩ් සිනමාව තුළ අතිශය ජනප්‍රිය කරන් ජෝහර්ගේ 44 වැනි උපන්දින සාදය පසුගිය සති අන්තයේදී යෙදී තිබුණි. ඒ වෙනුවෙන් ඔහු එංගලන්තයේ ලන්ඩන් නුවර පිහිටි සුප්‍රසිද්ධ රාත්‍රී සමාජ ශාලාවක උත්සවයක් සංවිධානය කර තිබුණ බව "ද ටයිම්ස් ඔෆ් ඉන්දියා" වෙබ් අඩවිය සඳහන් කර තිබුණි. මෙම උපන්දින සාදය සඳහා බොලිවුඩයේ ජනප්‍රිය තරු වූ ෂාරුක් ඛාන්, ගෞරි ඛාන්, අයන් මුඛර්ජි, සිද්ධාර්ත් මල්හෝත්‍රා, සායිෆ් අලී ඛාන්, කරීනා කපූර්, රන්බීර් කපූර් හා කත්‍රිනා කයිෆ් ඇතුළු පිරිසකටද කරන් ආරාධනා කර තිබුණ බව මෙම තොරතුරු වැඩිදුරටත් සඳහන් කරයි.
වාර්තා වන අන්දමට කරන්ගේ මෙම උපන්දින සාදයට කත්‍රිනා කයිෆ් හැරෙන්නට අනෙකුත් සියලුම බොලිවුඩ් තරු මේ සඳහා එක්ව තිබුණි. එහෙත්, කත්‍රිනා මෙම සාදයට ආ සැණින පිටව ගිය බව සඳහන් වන අතර, ඒ එම උත්සවයට පැමිණි සිටි රන්බීර් කපූර් නිසා බව බොහෝ පිරිසකගේ අදහස විය. එහෙත්, ඒ පිළිබඳව කරන් දුරකථන ඇමතුමක් දී කත්‍රිනාගෙන් විමසූ විට ඇය පවසා තිබුණේ සිය මිතුරු, මිතුරියන් සමග පුංචි සාදයකට එක්වීමේ අරමුණින් තමා ඉක්මනින් පිටවු බවයි. එහෙත්, පසුව දැනගැනීමට ලැබී ඇත්තේ කත්‍රිනා සිය සොහොයුරි සමගින් ගත් ආහාර වෙලක් විෂ වීම නිසා මෙසේ ඇය කරන් ජෝහර්ගේ සාදයට මෙසේ නොපැමිණීමට හේතුව වු බවයි.
