(පද්මා කුමාරී කංකානම්ගේ )
කල්පිටිය විවිධ සේවා සමූපකාර සමිතිය මගින් පාලනය වන ඉන්ධන පිරවුම් හලේ පෙට්‍රල් බෙදා හැරීමේ ටැංකිය දින තුනක සිට මුද්‍රා තබා තිබේ.
ඛනිජ තෙල් නීති ගත සංස්ථාවේ වයඹ පළාත් කාර්‍යාලය විසින් මෙසේ මුද්‍රා තබා ඇත. ඉන්ධන සාම්පලයක් ද වැඩි දුර පරීක්ෂණ කරා රැගෙන ගොස් තිබේ.
පෙට්‍රල් සමඟ භූම්තෙල් මිශ්‍රවී ඇතැයි දිගින් දිගටම ලැබුණු පැමිණිලි මත මෙම පියවර ගැනීමට සිදු වු බව මේ පිළිබදව විමසීමේදී ඛනිජ තෙල් නීතිගත සංස්ථාවේ වයඹ පළාත් වැඩ බලන කළමණාකරු එස්.බී.රත්නායක මහතාගෙන් පැවසීය.
