ශ්‍රී ලංකාවේ සෞඛ්‍ය සේවාව වෙනුවෙන් ජනාධිපති මෛත්‍රීපාල සිරිසේන මහතා විසින් සිදුකරනු ලබන සුවිශේෂි වැඩපිළිවෙළ වෙනුවෙන් ලෝක සෞඛ්‍ය සංවිධානයේ අග්නිදිග ආසියානු කලාපයේ මහජන සෞඛ්‍යය පිළිබද විශිෂ්ටතා සම්මානය හිමිවිය.
එම සංවිධානයේ කලාපීය අධ්‍යක්ෂිකා ආචාර්ය පූනම් කෙහෙත්රාපල් සිං විසින් එම සම්මානය සඳුදා (05) පස්වරුවේ ජනාධිපති වෙත පිළිගැන්වූවාය.
මත්ද්‍රව්‍ය නිවාරණ වැඩපිළිවෙළ වකුගඩු රෝග නිවාරණ වැඩපිළිවෙළ සංක්‍රමණිකයන්ගේ නීරෝගී සෞඛ්‍යය තහවුරු කිරීම ඇතුඑ මධ්‍යසාර දුම්කොළ හා නීතිවිරෝධී මත්ද්‍රව්‍ය භාවිතය අවම කිරීම සදහා ගෙන ඇති පියවර තුළින් ශ්‍රී ලාංකිකයින්ගේ සෞඛ්‍යය හා යහපැවැත්ම තහවුරු කිරීමට ගෙන ඇති සාධනීය තත්වයන් මෙම සම්මානය පිදීම සදහා නිමිති කොටගෙන ඇත.
