ප‍්‍රවීණ ගායන ශිල්පී ටී.එම්. ජයරත්න, මහාචාර්ය සනත් නන්දසිරි, මල්කාන්ති නන්දසිරි සහ ලක්ෂ්මන් හේවාවිතාරණ ගී ගයන සොඳුරු නිශාන්තය ප‍්‍රසංගය ජුනි 11 වැනිදා සවස 6.30ට ගම්පහ සුමේධ රංග ශාලාවේදී පැවැත්වේ.
සංගීත විශාරද සරත්චන්ද්‍ර කුමාර ප‍්‍රමුඛ වාද්‍ය වෘන්දය සංගීතවත් කරන මෙම ප‍්‍රසංගයේ කථනය ප‍්‍රවීණ ගුවන් විදුලි නිවේදක වසන්ත රෝහණ ගෙනි. පොතපතට ළැදි සමාජයක් බිහිකිරීමේ අරමුණ පෙරදැරි කරගත් සියනෑ පොත් මිතුරෝ සහෘද සංගමය තම අරමුදල් තරකර ගැනීමේ අරමුණෙන් මෙම ප‍්‍රසංගය සංවිධානය කරයි.
ප‍්‍රසංගයට සහභාගී වන සැමටම සියනෑ කෝරළයේ ලේඛක වතගොත ඇතුළත් පොත් පිංචක් තිළිණයක් ලෙස පිරිනැමීමට සියනෑ පොත් මිතුරෝ කටයුතු කර තිබේ.
