ජනප්‍රිය නළු විල් ස්මිත් රංගනයෙන් දායක වන අලුත්ම චිත්‍රපටය, "Suicide Squad" චිත්‍රපටය මේ දිනවල තිරගත වෙනවා. ඒ වෙනුවෙන් පැවැත්වෙන ප්‍රවර්ධනාත්මක වැඩසටහන්වලට මොහු දායක වන බවද සඳහන් වෙනවා.
මේ වැඩසටහනකට සහභාගී වූ එක් අවස්ථාවකදී විල් ස්මිත්, මේ දිනවල ඇමෙරිකාවේ පැවැත්වෙන ජනපතිවරණ ප්‍රචාරක කටයුතු පිළිබඳවද අදහස් දැක්වූවා. ඔහු විශේෂයෙන් සඳහන් කළේ ජනපති සටනට රිපබ්ලිකන් පක්ෂයෙන් ඉදිරිපත්ව සිටින ඩොනල්ඩ් ට්‍රම්ප් පිළිබඳවයි. මුස්ලිම් ජාතිකයන් ඩොනල්ඩ් ට්‍රම්ප්ගේ දෝෂාරෝපණයට ලක්වීම විල් ස්මිත්ගේ විවේචනයට ලක්වුණා. ඔහු ඩොනල්ඩ් ට්‍රම්ප් විවේචනය කළේ ඩුබායිහි පැවැති මාධ්‍ය හමුවකදියි.
