අභ්‍යන්තර කටයුතු, වයඹ සංවර්ධන හා සංස්කෘතික නියෝජ්‍ය ඇමැති පාලිත තෙවරප්පෙරුම මහතා අද (3) බෙලිහුල්ඔය සබරගමු විශ්ව විද්‍යාලයට ගිය නමුත් සිසුහු ඔහුට එම උත්සවයට යෑමට ඉඩ නොදී මග හරස් කළහ.

නියෝජ්‍ය ඇමැති සිය මෝටර් රථයේ බොනට්ටුවට නැග සිසුන් හා එක්විය. මචං භාෂාවෙන් සිසුන් ඇමතූ ඔහු කියා සිටියේ සිසුන්ට ප්‍රශ්න ඇති බවයි.

‘මම දන්නවා එහෙම ප්‍රශ්න තියෙන බව. අපි එක්වෙලා එම ප්‍රශ්න විසඳමු‘ කියමින් ඔහු ටික වේලාවක් සිසුන් සමග ගත කළේය.

හාර පන්සියයක් සිසුන් සමග ඔහුද උද්ඝෝෂණයට එක්විය.

අද උදේ 10.45ට පමණ සිය වාහනයේ බොනට්ටුවට නැගුණු නියෝජ්‍ය ඇමැති පස්වරු 12.15 වනවිටත් එහි සිටියේය. සිසුන් කියා සිටියේ සංස්කෘතික මධ්‍යස්ථානය විවෘත කිරීමට වඩා සිසුන්ගේ වෙනත් ප්‍රශ්න ඇති බවයි.