(විමුක්ති එස් රුද්‍රිගු)
කලාපීය සහයෝගීතාව සඳහා වූ දකුණු ආසියානු සංගමයේ මුල්‍ය ජාලයේ අධිපතිවරුන්ගේ 46 වැනි රැස්වීම වොෂින්ටන් නුවරදී පසුගියද පැවැත්විණි. එම සංගමයේ සභාපතීත්වය දරන ශ්‍රී ලංකා මහා බැංකුවේ සත්කාරකත්වයෙන් ලෝක බැංකුවේ සහ ජාත්‍යන්තර මුල්‍ය අරමුදලේ රැස්වීම්වලට සමගාමීව එම රැස්වීම පැවැත්වූවේය.
අධිපතිවරුන්ගේ 46 වැනි රැස්වීමට කලාපීය සහයෝගීතාව සඳහා වූ දකුණු ආසියානු සංගමයේ සාමාජික රටවල මහා බැංකු අධිපතිවරු, නියෝජ්‍ය අධිපතිවරු, මුදල් ලේකම්වරු සහ මහා බැංකු හා මුදල් අමාත්‍යංශයේ නියෝජිතයෝ පිරිසක් සහභාගී වූහ.
වමේ සිට දකුණට: භූතානයේ රාජකී මුදල් අධිකාරියේ අධිපති දාශෝ පෙන්ජෝරේ මහතා, ශ්‍රී ලංකා මුදල් අමාත්‍යංශයේ ලේකම් මහින්ද සිරිවර්ධන මහතා, නේපාල මහා බැංකු අධිපති මහා ප්‍රසාද් අධිකාරි මහතා, බංග්ලාදේශ මහා බැංකු අධිපති ආචාර්ය අහ්සාන් එච් මන්සූර් මහතා, ශ්‍රී ලංකා මහා බැංකු අධිපති ආචාර්ය නන්දලාල් වීරසිංහ මහතා, පාකිස්තාන මහා බැංකු අධිපති ජමීල් අහමඩ් මහතා, මාලදිවයින් මුදල් අධිකාරියේ නියෝජ්‍ය අධිපති අහමඩ් ඉමාඩ් මහතා, ඉන්දීය මහා බැංකුවේ නියෝජ්‍ය අධිපති ආචාර්ය මයිකල් ඩෙබාබ්‍රාතා පත්‍රා මහතා සහ බංග්ලාදේශ මුදල් අමාත්‍යාංශයේ ලේකම් ආචාර්ය මොහොමඩ් කයිරුස්සමන් මොසුම්දර් මහතා
