මනා රූපකායක් හිමිකම් කියන ඇය, අලෙවි විධායකවරියක ලෙස සේවය කරන්නීය. නිරූපණයට ඇති ඇල්ම නිසාවෙන් ඇය විනෝදාංශයක් ලෙස නිරූපණය සිදුකරන අතර, ළමයින් වෙනුවෙන් නිතර උපකාර කිරීමට කැමැත්තක් දක්වන්නීය. සෙව්වන්දි දිසානායක නම් සොඳුරු යුවැත්තිය ඇගේ කලා කටයුතු පැවසීමට "සාරවිට" ආලින්දයට ගොඩවැදුණේ මෙලෙසිනි.
නිරූපණයට ඇලුම් කරන ඇය සෙව්වන්දි දිසානායකය.
ඔබ කොහොම කෙනෙක්ද?
මම හරිම සාමාන්‍ය විදිහට ජීවත් වෙන කෙනෙක්. ගොඩාක්ම දුප්පත් මිනිස්සුන්ට උදව් කරලා සතුටු වෙන්න කැමති කෙනෙක්. මං හරි අවංකයි කියල මම හිතනවා.
රැකියාවක් කරනවාද? නැත්නම් නිරූපණයද රැකියාව?
මම රැකියාවක් කරනවා. මං නිරූපණය රැකියාව කරගන්න කැමති නැහැ. ඒක මගේ විනෝදාංශය. මම පෞද්ගලික ආයතනයක අලෙවි විධායක ලෙස කටයුතු කරනවා.
රැකියාවයි, නිරූපණයයි සමබරව කරගෙන යන්න පුළුවන්ද?
ඇත්තටම උනන්දුවක් තියෙනවානම් බැරිකමක් නැහැ. රැකියාව කරන තැනින් මට ලොකු සහයෝගයක් මට ලබාදෙනවා. අනික මං ලැබෙන හැම වැඩක්ම බාරගන්නේ නැහැ. මොකද මං කාර්යය බහුල ජීවිතයකට කැමති නැති නිසා. ඒ නිසා ලේසියෙන් මට රැකියාවයි, නිරූපණයයි, සමබරව කරන්න පුළුවන්.
නිරූපණයෙන් දායක වූ වැඩකටයුතු මොනවාද කිව්වොත්?
මම මියුසික් වීඩියෝ කිහිපයකටයත්, එක් වෙළෙඳ දැන්වීමකටත් දායක වුණා.
නිරූපණය කියන දේ ගැන අද සමාජය තුළ තැනක් තියෙනවාද?
ඔව්. ඇත්තටම කියනවානම් ඒක රැකියාව විතරක් කරන්න ඉන්න අය ගොඩාක් ඉන්නවා.
ඇයි ඇතැම් අය නිරූපණයේ යෙදෙන අයට විවිධ චෝදනා එල්ල කරන්නේ?
මෙහෙමයි ඒක එක්කෙනා ඔය ගැන විවිධ චෝදනා කරනවා. හොඳ කියන අයත් ඉන්නවා. නරක කියන අයත් ඉන්නවා. මං හිතන්නෙ මේ නිරූපණයට එන අය සහ ඇවිත් ඉන්න අයගේම සමහර වැඩ නිසා තමයි එහෙම වෙන්නේ කියලා. ඇත්තටම මමනම් මේ ක්ෂේත්‍රය ගැන හොඳ පැහැදීමකින් ඉන්නවා.
විලාසිතාවන් ගැන වැඩි උනන්දුවක් දක්වනවාද?
ඔව්. ඇත්තටම ගෑනු ළමයෙක් වුණාම තමන්ට ගැළපෙන විලාසිතාවන් කරන්න ඕනේ. ඒකට වයස ප්‍රශ්නයක් නැහැ. තමන්ට ගැළපෙන්න විලාසිතා කරනවානම් ඒක හොඳයි. මං අලුත් විලාසිතා ගැන උනන්දුවෙන් ඉන්න කෙනෙක්.
ඒ කියන්නේ රැකියාවෙන් ලැබෙන මුළු පඩියම විලාසිතා සඳහා විදයම් කරනවාද?
ඔව්, මං රැකියාවක් කරන්නෙ මට අවශ්‍ය දේවල් ගන්න තමයි. එහෙම නැතුව සල්ලිම හොයලා වැඩකුත් නැහැනේ. විලාසිතා වගේම රස කෑමවලට තමයි මට වැඩියෙන්ම වියදම් වෙන්නේ.
ලොකු හීන එහෙමත් ඇති නේද?
ලොකු හීනයක් තියෙනවා. ලස්සනට මිනිස්සුන්ට කරදරයක් නැතුව ජීවත් වෙන්න. දවසක හොඳ තැනකට ඇවිත් දුප්පත් ළමයින්ට උදව් කරන්න මගේ ලොකු හීනයක් තියෙනවා.
කවුරු හරි මතක් කරන්න පිරිසක් ඉන්නවාද ඔයාට සහයෝගය දෙන?
ඔව්, මට මෙහෙම හැමදේකටම උදව් කරන්න හැමෝටම ස්තූති කරනවා. විශේෂයෙන් මගේ ගෙදර අය සහ මගේ යාළුවෝ ඔක්කෝම මේ වෙලාවේ මතක් කරනවා.
ඩිලාන් ක්‍රිෂාන්ත
Photographer : Hasith Lokuge Photography
Hotline : 0777 777 507
Retoucher : Hasith Lokuge
Makeup : Suranga Akash
Light : Udaya Hewagama / Yasas Wikum
Special Thanks : Sanjaya Amarasinha
