නාරාහේන්පිට තිඹිරිගස්යායේ පදිංචි බුද්ධිමා ෂෙහාරා දෙව්මිණී (07) දැරියට කඩිනමින් ඉන්දියාවේ ග්ලෝබල් හෙල්ත් සිටි රෝහලේ දී අක්මා බද්ධ සැත්කමක් සිදු කිරීම සඳහා රුපියල් පනස් හය ලක්ෂ විසි පන් දහසක් අවශ්‍ය බව විශේෂඥ වෛද්‍ය ගෝමදී නවසිංහම් මහත්මිය කියන්නීය.

ළමාරෝග විශේෂඥ වෛද්‍ය පුෂ්පා පුංචිහේවා මහත්මිය පවසනුයේ ඇය ජීවත්කරවා ගැනීමට නම් ඇගේ පියාගේ අක්මාවෙන් කොටසක් හැකි ඉක්මණින් බද්ධ කළ යුතු බවයි.

පෞද්ගලික  රියදුරකු වන යූඑල් චමින්ද ශ්‍රීකුමාර මහතා (දැරියගේ පියා)  තම අක්මාවෙන් කොටසක් දියණියට පරිත්‍යාග කිරීමට යයි.  කුලී ගෙදරක ජීවත් වන තමාටත් රැකියාවක් නැති තම බිරියටත් මෙවැනි මුදලක් සොයා ගැනීමට කිසිසේත්ම නොහැකි බව චමින්ද මහතා කියා.

රුපියල් සියයයේ ටිකට්පත් විකිණීමෙන් දැනට රුපියල් ලක්ෂ 15ක් සොයාගෙන ඇතත් ඉතිරි මුදල් මාස හයක් ඇතුළත සොයා ගැනීමේ හැකියවක් නැති නිසා එම මුදල් සපයා ගැනීමට මහජන සහාය පතයි.

ලංකා බැංකුවේ නාරාහේන්පිට ශාඛාවේ යූ එල් චමින්ද ශ්‍රී කුමාර නමින් ඇති අංක 75204193 දරණ ගිනුම් අංකයට පරිත්‍යාග බැර කළ හැකිය.

පියාගේ දුරකතන අංක 077 611 38 61 / 075 40 98 250