ඉදිරි පළාත් පාලන මැතිවරණයේ දී අනිවාර්යයෙන්ම නව ලකුණකින් නව සන්ධානයකින් තරග කරන බව බැසිල් රාජපක්ෂ මහතා අද (30) කොළඹ මහාධිකරණ භූමියේ පැවැති නඩුවකට සහභාගී වීමට පැමිණි අවස්ථාවේ පැවසීය.
මහජන මුදල් අවභාවිතය සම්බන්ධයෙන් කොළඹ මහාධිකරණයේ පැවැති නඩුවකට පෙනී සිටීම සඳහා පැමිණ උසාවි භූමියෙන් පිටත්ව යන අවස්ථාවේ මාධ්‍යවේදියකු නැගූ පැනයකට පිළිතුරු දෙමින් රාජපක්ෂ මහතා එසේ කීවේය.
‘ආසන සංවිධායකවරු අස් කිරීම අපි කරන එකක් නෙමෙයි. ඒ කට්ටියගේ වැඩක්‘ යැයි ද බැසිල් රාජපක්ෂ මහතා එහිදී ආසන සංවිධායකවරුන් ඉවත්කිරීම සම්බන්ධයෙන් ඇසූ පැනයකට පිළිතුරු දෙමින් පැවසූ අතර ශ්‍රීලනිප සංවත්සරයට සහභාගි වන්නේදැයි ඇසූවිට තමන් ඊට සහභාගී නොවන බවද ඔහු සඳහන් කළේය.
