ත්‍රිකුණාමලය සාම්පුර් මහ විද්‍යාලයේ ඉකුත් 20 වැනි දා පැවති උත්සවයක දී නැගෙනහිර මහ ඇමැති නසීර් අහමඩ් මහතා නාවික හමුදා නිලධරයකුට ප්‍රසිද්ධියේ බැන වැදීමේ සිද්ධියෙන් අනතුරුව ත්‍රිව්ධ හමුදාව මහ ඇමැතිවරයා සහභාගී වන උත්සව වර්ජනය කිරිමට ගත් තීරණය අද (30) සිට ඉවත් කළ බව වැඩබලන හමුදා මාධ්‍ය ප්‍රකාශක බ්‍රිගේඩියර් ජයනාත් ජයවීර මහතා පැවසීය.
ත්‍රිවිධ හමුදාව එක්ව ගත් මෙම තීරණය ඉවත් කිරිමට හේතුව අනාවරණය කිරිමට නොහැකි බවද හමුදා ප්‍රකාශකවරයා සඳහන් කළේය.
නැගෙනහිර මහ ඇමැති ක්‍රියා කලාපයට විරෝධය දක්වමින් ත්‍රිවිධ හමුදාව ඉකුත් 27 දින සිට ඔහුගේ උත්සව වර්ජනයට ඒකමතිකව තීරණය කර තිබුණි.
