නාරාහේන්පිට පොලිස් රෝහලේ ප්‍රතිකාර ලබමින් සිටියදී 2015 ඔක්තෝබර් 28 වැනිදා මිය ගිය නියෝජ්‍ය පොලිස්පති ලියෝ පෙරේරා නැවතී සිටි 6වැනි වාට්ටුවේ එදින රාජකාරී කළ සිව්දෙනකුගෙන් ප්‍රකාශ ලබාගැනීමට කොළඹ අතිරේක මහේස්ත්‍රාත් නිශාන්ත පීරිස් මහතා රහස් පොලිසියට නියෝග කළේය.
නියෝජ්‍ය පොලිස්පතිවරයා සම්බන්ධයෙන් වාට්ටුවේ සිටි සේවකයන් සැලකිලිමත් නොවූ බව කියමින් මෙම නඩුව ගොනු කර ඇත. පැමිණිල්ලේ නීතිඥවරයා කියා සිටියේ රෝගියාගේ තත්ත්වය අසාධ්‍ය වුවද 6 වැනි වාට්ටුවේ සිටි වෛද්‍යවරුන් නියෝජ්‍ය පොලිස්පතිවරයා ජාතික රෝහලට මාරු කිරීමට හෝ ඔහුට නිසි ප්‍රතිකාර ලබාදීමට හෝ උනන්දුවී නැති බවයි.
