බණ්ඩාරගම සතිපොළෙහි වෙළඳ කුටි දේශපාලන හිතවත්කම් මත බෙදාදීමෙන් තමන් දැඩි අපහසුතාවයට පත්ව ඇතැයි වෙළෙන්දෝ කියති.
ආර්ථික සංවර්ධන අමාත්‍යංශය රුපියල් ලක්ෂ හාර සීයයක් පමණ වැයකර මෑතදී ඉදි කළ සතිපොළ බණ්ඩාරගම ප්‍රාදේශීය සභාව මගින් පාලනය කරයි. මේ සම්බන්ධයෙන් කළ විමසීමකදී බණ්ඩාරගම ප්‍රාදේශිය සභාවේ ලේකම් ස්වර්ණා පෙරේරා මහත්මිය පැවසූයේ තවම සිදුකළේ වෙළඳුන් සමග සාකච්ඡා කිරීම පමණක් බවත් ජ්‍යෙෂ්ඨයන්ට මුල්තැන දෙන බවත් ය. ගැටළුව ලබන සතියේ නිරවුල් කරන බවත් ඇය කීවාය.
