(ප්‍රියාණි මංගලිකා )
ගිරිල්ල රෝහලට බෙහෙත් ගැනීමට ,මහ කිරින්ද ප්‍රදේශයේ සිට පැමිණි පුද්ගලයෙකු රෝහලෙන් බෙහෙත් රැගෙන ආපසු නිවසට යන අවස්ථාවේ මහ මගදී බඹර ප්‍රහාරයකට ලක්ව මරණයට පත්ව ඇති බව පොලීසිය පවසයි .
මෙසේ මිය ගොස් ඇත්තේ මහ කිරින්ද මොන්නෑකලම ලිපිනයේ පදිංචි එච්.එම්.ඒ.කපුරුබංඩා (90) නැමති තිදරු පියෙකි.
බිරිඳ මිය ගොස් , දියණියන් දෙදෙනා විවාහ වී ගොස් සිටින, රෝගී පුතා සමග නිවසේ ජීවත් වෙමින් සිටි මරණකරු . සුලු අසනීප තත්වයකට ප්‍රතිකාර ගැණීම සඳහා ,ගිරිල්ල ප්‍රදේශයට පැමිණ ඇති බවද පොලීසිය සඳහන් කරයි .
වෙනදා ඥාති පුත්‍රයෙකු සමග යතුරුපැදියෙන් ගමන් බිමන් ගිය මරණකරු මෙදින තනිවම පයින්ම මෙලෙස ගිරිල්ල රෝහලට පැමිණ ඇති අතර , රෝහලෙන් බෙහෙත් ගෙන ආපසු නිවසට යමින් සිටියදී ,ගිරිල්ල මාර්ගයේ බඹර කූඩුවක් ඇවිස්සී තිබී , එම බඹර ප්‍රහාරයට ලක්ව ඇතිි බවද පොලීසිය සඳහන් කරයි.
