(ගයාන් සූරියආරච්චි )

විදේශ ගතව සැගව සිටින සංවිධානාත්මක අපරාධ හා මහා පරිමාණ මත්ද්‍රව්‍ය ජාවාරම් කරුවෙකු වන දිප්පිටිගොඩ ශක්තිගේ මෙරට මත්ද්‍රව්‍ය ජාලය මෙහෙයවන ප්‍රධාන ගෝලයකු හා තවත් පුද්ගලයෝ තිදෙනෙක්  ලක්ෂ තිහකට අධික වටිනාකමකින් යුත් අයිස් මත්ද්‍රව්‍ය සමග විශේෂ කාර්ය බලකාය නිලධාරීන් විසින්  අත්අඩංගුවට ගනු ලැබූහ.

 අත්අඩංගුවට ගත් සැකකරුවන් අවුරුදු 31 – 38 අතර වයසේ පසුවන ග්‍රෑන්ඩ්පාස්, කොටහේන, මඩපාත සහ කැළණිය යන ප්‍රදේශයේ පදිංචි කරුවෝ වෙති.

අක්මීමන පොලිස් වසමේ පින්නදූව  හෝටලයක් ඉදිරිපිට දී ඊයේ (12) මෙම  වැටලීමක් සිදුකර ඇත.

එහි දී ලක්ෂ තිහකට අධික වටිනාකමක් ඇති අයිස් මත්ද්‍රව්‍ය ග්‍රෑම් 205, මිලි ග්‍රෑම් 740 ක ප්‍රමාණයක්,  මත්ද්‍රව්‍ය ප්‍රවාහනය කිරීම සඳහා යොදාගත් කාර් රථයක් , ජංගම දුරකථන හතරක්, පොලිස් භාරයට  ගෙන ඇත.