(ආරියරත්න රණබාහු)
ජාතික ජන බලවේගයේ (මාලිමාවේ) ප්‍රතිපත්ති ප්‍රකාශය මේ මස මස 26 වෙනිදා එළි දක්වන බව පක්ෂයේ නායක ජනාධිපති අපේක්ෂක පාර්ලිමේන්තු මන්ත්‍රී අනුර කුමාර දිසානායක මහතා ඇඹිලිපිටියේදී පැවසීය.
බොහෝ දෙනකු අප පක්ෂයේ ප්‍රතිපත්තියයි කියමින් නොයෙක් දේවල් පවසන බව කී දිසානායක මහතා ඒ සියල්ලට පිළිතුරු ලෙස පක්ෂයේ ප්‍රතිපත්ති ප්‍රකාශය එළිදැක්වූ පසු ඔවුන් පැවසූ දේවල්වල සැබෑ තත්ත්වය දැනගත හැකි වනු ඇතැයිද පැවසීය .
සියයට තුනක ඡන්ද පදනමක් තිබූ බව පවසමින් කිසි කලෙක මාලිමාවට ජයග්‍රහණය කිරීමට නොහැකි බව පැවසූ ඔවුන් දැන් ආවොත් යයි පවසමින් වෙනත් දේවල් ජන ගත කරන බවද කීය.
මාලිමාව ආවොත් සමෘද්ධිය කපනවා රාජ්‍ය සේවකයන්ගේ පඩි කපනවා සහනාධාර නතර කරනවා ආදි දේ කියමින් සාමාන්‍ය ජනතාව තුළ බියක් ඇති කිරීමට කටයුතු කරන බවද පැවසීය.
ඒ සියල්ලටමකිව යුත්තේ ඊට අදාළ පිළිතුර ලබන සැතැම්බර් 21 වෙනිදායෙන් පසු බලා ගත හැකි වන බවද හෙතෙම අවධාරණය කළේය
ඒ මහතා මෙම අදහස් පළ කලේ ඇඹිලිපිටිය නගරයේ පැවැති ගොවි රැළිය අමතමිනි.
