මැලේසියාවේ ක්වාලාලම්පූර් ගුවන්තොටුපළේදී එරට ශ්‍රී ලංකා මහකොමසාරිස් අයි අන්සාර් මහතාට පහරදීමේ සිද්ධියෙන් පසු ඔහුට පොලීසියේ ආරක්ෂාව ලබා දෙන ලෙස විදේශ අමාත්‍යාංශ ලේකම්වරයා එරට රජයට දන්වා ඇතැයි විදේශ කටයුතු අමාත්‍යාංශය පවසයි.
කොළඹ සිටින මැලේසියා මහකොමසාරිස්වරයා මාර්ගයෙන් විදේශ අමාත්‍යංශ ලේකම් ඇසළ වීරකෝන් මහතා මෙම ඉල්ලීම කර ඇත.
මහකොමසාරිස්වරයාට අමතරව ක්වාලාලම්පූර් හි පිහිටි ශ්‍රී ලංකා මහකොමසාරිස් කාර්යාලයට, කාර්ය මණ්ඩලයට හා එම නිලධාරීන්ගේ නිල නිවාස වලට සහ මහකොමසාරිස් කාර්යාලය පිහිටි භූමියට අවශ්‍ය ආරක්ෂාව ලබා දීමට කටයුතු කරන ලෙස ද විදේශ ලේකම්වරයා මෙරට සිටින මැලේසියා මහකොමසාරිස්වරයාට දන්වා ඇතැයි එම අමාත්‍යාංශයේ ජ්‍යෙෂ්ඨ නිලධාරියෙක් පැවසීය.
සෙන්තුල් හි විහාරස්ථානයට අවශ්‍ය ආරක්ෂාවද ලබා දෙන ලෙසද විදේශ අමාත්‍යාංශ ලේකම්වරයා මැලේසියා රජයෙන් ඉල්ලා ඇත.
