උතුරු පළාත් සභාව විසින් යෝජනා සම්මත කොට ගත් ෆෙඩරල් යෝජනාවලිය සිංහල ජනතාවට විරුද්ධව හෝ රට බෙදීමකට නොවන බවත් උතුරු නැගෙනහිර ඒකාබද්ධ කර දෙමළ ජනතාවට විසඳුමක් ගෙන එන යෝජනාවක් බවත් එහෙත් ඇතැම් පිරිස් ඇතුළු බොහෝ දේශපාලඥයින් පිරිසක් එම යෝජනාව සම්බන්ධයෙන් වැරදි වැටහීමක් ඇති කොට වැරදි වැටහීමක් ඇති කරවන බවත් උතුරු මහ ඇමැති සී.වී. විග්නේෂ්වරන්, බදාදා (01) පැවැති සාකච්ඡාවක දී නෝර්වේ නියෝජ්‍ය විදේශ ඇමැති ටොර් හැටම් සමඟ කීවේය.
උතුරට බලපා ඇති ධීවර ගැටළුව හා වසර 30 ක සිට පවතින යුද්ධයෙන් අවතැන් වූවන් හට ඇති නිවාස ගැටළුව සම්බන්ධයෙන් ද මෙහිදී මහ ඇමැති කරුණු දැක්වීය.
රාජ්‍ය ලේකම්වරයා එදින උදෑසන කොළඹදී විපක්ෂ නායක ආර් සම්බන්ධන් හමුවී පසුව යාපනයේ සංචාරයක නිරතවෙමින් රෙජිනෝල් කුරේ උතුරු පළාත් ආණ්ඩුකාරවරයාද හමු විය.
මේ අතර ටෝර් හැටම් නෝර්වේ නියෝජ්‍ය විදේශ ඇමැති හා ශ්‍රී ලංකාවේ නෝර්වේ තානාපති ෂෝ බියෝන් ගාස්ට් සැතර් යාපනයේ සංචාරයේදී යාපන ආරක්ෂක සේනා ආඥාපති පලාලි කාර්යාලයේදි හමුවිය.
උතුරේ ආරක්ෂක තත්ත්වය උතුරේ සිවිල් පාලනය හා සංහිඳියා ක්‍රියාවලියේ දී හමුදාව ගන්නා උත්සාහය ගැන ආඥාපති සේනානායක නෝර්වේ නියෝජිතයන්ට පැහැදිලි කළේය.
