කිලෝ ග්‍රෑම් 12.5 ක ගෘහස්ත ගෑස් සිල්න්ඩරයක මිල රුපියල් 150 කින් පහළ දැමීමට 2016 අයවැය යෝජනාවලියෙන් තීරණය කර ඇතැයි මුදල් ඇමැති රවී කරුණානායක මහතා අයවැය යෝජනා පාර්ලිමේන්තුවට ඉදිරිපත් කරමින් පැවසීය.

භූමිතෙල් ලීටරයක මිල රුපියල් 10කින් පහත හෙළීමට යෝජනා කෙරුණු අතර ඊට අමතරව ටින් මාළු ග්‍රෑම් 425 ක ටින් එකක මිල රුපියල් 125 දක්වා අඩුකිරීමටද යෝජනා විය. පරිප්පු කිලෝවක් සඳහා උපරිම සිල්ලර මිල රුපියල් 169 ක් දක්වා පහත දැමිණි. 

කඩල කිලෝවක උපරිම සිල්ලර මිල රුපියල් 169 ක් ලෙස නියම කිරීමටද අපේක්ෂිතය.

අර්තාපල් කිලෝවක් රුපියල් 75ත් 85 ත් අතර මිලකට ලබාදීමට අපේක්ෂා කරන බවද ලොකු ලූනු කිලෝවක් සඳහා පනවා ඇති විශේෂ වෙළඳ භාණ්ඩ බද්ද රුපියල් 25 කින් අඩු කිරීමටද පියවර ගෙන ඇත. ඒ අනුව ලොකු ලූනු කිලෝවක් රුපියල් 85 ත් - 95 ත් අතර මිලකට ලබාදීමට නියමිතය.