2015 සිරස කුමරිය ඔස්සේ නිරූපණ ක්ෂේත්‍රයට පිවිස මේ වනවිට ගායිකාවක ලෙස කටයුතු කරන ඇය නමින් නෙතලි දිසානායකය. ඇයගේ කලා කටයුතු පිළිබඳව "සාරවිට" අපත් සමගින් ඇය මෙලෙසින් අදහස් දැක්වූවාය.
ඔබ ගැන කෙටි හැඳින්වීමක් කළොත්?
මම නෙතලි දිසානායක. මට වාසනාව ලැබුනා 2015 සිරස කුමරිය බවට පත්වෙන්න. මගෙ ගම මාතර. මම පාසල් ගියේ මාතර ශාන්ත මරියා කන්‍යාරාමයට. මම උසස් පෙළ හැදෑරුවේ 2014 වසරේ කලා විෂය ධාරාවෙන්. මම දැනට කැලණිය විශ්වවිද්‍යාලයේ බාහිර උපාධියක් හදාරමින් සිටිනවා.
ඔබ නිරූපිකාවක්ද ගායිකාවක්ද?
මම නිරූපිකාවක් ලෙස කටයුතු කරමින් ඉඳල දැන් ගායිකාවක් ලෙසත් වැඩකටයුතු කරනවා. කෙටියෙන් කියුවොත් නිරූපිකාවක් වගේම ගායිකාවක්.
වෘත්තීයක් වශයෙන් කුමක්ද කරන්නේ?
මම මීට පෙර වෘත්තීයක් විදිහට කළෙ නිරූපණයයි. ඉදිරියට ගායනයත් කරන්න බලාපොරොත්තු වෙනවා වගේම මම එක ටෙලිනාට්‍යකට රංගනයෙන් දායක වුණා.
ගායන පිළිබඳව වැඩිදුරටත් සඳහන් කළොත්?
මම පාසල් යන කාලෙ පද්‍ය ගායනා තරගවලට සහභාගී වෙලා ජයග්‍රහණයක් ලබාගත්තා. මට ගායනයට තියෙන හැකියාව නිසා මට හිතුණා සින්දුවක් කරන්න. දැනට ගීතය නිකුත් කරල දින කිහිපයයි වෙන්නෙ මේ වෙනකොට හොද ප්‍රතිචාර ලැබෙනවා.
නිරූපණ එකතු වෙන්නේ කොහොමද?
මගෙ නැන්ද තමා සිරස කුමරි තරගයට අයදුම් පතක් දාන්නේ. නැන්දගෙ ඉල්ලීම උඩ මම මේ තරගයට සහභාගී වුණා. හිතුවෙවත් නැති විදිහට මම තරගයෙ ලොකු දුරක් ඇවිල්ල ජයග්‍රහණය කළා ඉන්පසුව තමා මම නිරූපණයට එන්නේ.
ඊළඟ කරන කාර්යය කුමක්ද?
මම ඉදිරියට ගොඩාක් අසාවෙන් ඉන්නවා නිවේදිකාවක් ලෙස කටයුතු කරන්න. මම නිරූපණය කරන්නෙ මනමාලියන් විදිහට. ඒ වගේමයි අපේ රටට ගැළපෙන ආකාරයට සැරසුණු මෝස්තරවලින් පමණයි ඒ වැඩ කටයුතුත් ඉදිරියට කරනවා. මගේ මීළඟ ගීතයත් තව මාස තුනකින් පමණ නිකුත් කරන්නත් බලාපොරොත්තුවෙන් ඉන්නවා. මේ හැමදෙයක් එක්කම මගෙ අධ්‍යාපන කටයුතුත් සමබරව කරන්න බලාපොරොත්තු වෙනවා.
අතහිත දුන් පිරිස ගැන කිව්වොත්?
මගේ අම්මා, තාත්තා තමා මගෙ ළඟින්ම හිටියෙ විශේෂයෙන් මතක් කරන්න ඔන මගෙ අම්ම තමා මම තරගයට සහභාගී වුණ කාලෙ මගෙ ළඟින්ම හිටියේ. හැම දවසකම අම්ම මගෙත් එක්ක ආවා. ඒ වගේමයි මගෙ නැන්දත් මතක් කරනව. මගෙ යාලුවොත් මට සහාය වුණා. මේ ගීතයේදී මට සහාය වුණ පිරිස ගැනත් සඳහන් කරන්න ඕන. මේ ගීතයෙ production designer විදිහට කටයුතු කළේ මදුශාන් අයියා. මේ සින්දුවෙ music and melody රවී විදානආරච්චිගේ. රටම එයාව දන්නෙ noise විදිහට. මේ සින්දුවෙ lyrics කළෙ සචිත උදයංග අයියා. තවත් අමිල පණ්ඩුක, දසුන් අයියලා, සයුරි අක්කා ඇතුළු මට උදව් කළ හැමෝම මං මේ අවස්ථාවේදී මතක් කර සිටිනවා.
ඩිලාන් ක්‍රිෂාන්ත
