මහනුවර හා පේරාදෙණිය අතර ඇරඹූ නව රේල් බස් සේවාව පසුගිය 3 වැනි දා සිට මේ දක්වා ධාවනය නොවු බවත් එම සේවාව අද දින නැවත ඇරඹියද ප්‍රවේශ පත් නොදීමේ ගැටලුව තවමත් පවතින බවත් මගීහු කියති.
රේල් බස් සේවාව ඇරඹුවේ මහනුවර හා පේරාදෙණිය අතර මහා මාර්ගයේ ඇති වාහන තදබදයට පිළියමක් නිසා වුව ද එම සේවාව අරඹා දින කිහිපයන් යන විටදී රේල් බසයේ ගමන් කිරිම සදහා අවශ්‍ය ප්‍රවේශ පත්‍ර නිකුත් නොකිරිම නිසා තමන් ගැටලුවට මුහුණ පෑ බව ඔවුහු සඳහන් කරති.
දුම්රිය ප්‍රවාහන අධිකාරී පි.ඒ.එස් වර්ණසුරිය මහතා පවසා සිටියේ යාන්ත්‍රිකව ඇති වු ගැටලුවක් හේතුවෙන් රේල් බස් රථ දෙක මේ වන විට ධාවනය නොවුවත් එහි අලුත්වැඩියා සිදුකර ධාවනයට එක් කිරිමට කටයුතු කර ඇති බවයි. රේල් බස් රථ වල ගමන් ගන්නා මගීන්ට කිසිදු ගැටලුවක් ඇති නොවන අයුරින් ප්‍රවේශ පත්‍ර අලවි කරන්නෙකු යොදා එම ගැටලුවද ඉතා කඩිනමින් විසඳන බවද වර්ණසුරිය මහතා පැවැසීය.
