ජී-7 හෙවත් ප‍්‍රධාන කාර්මික රටවල් හතේ කණ්ඩායම් රාජ්‍ය නායක සමුළුවේ සමගාමී සමුළුව අද (27) පෙරවරුවේ ජපානයේ ඉසේ-ශිමා නගරයේදී ආරම්භ කෙරුණු අතර ඊට එක්වූ ජනපති මෛත්‍රිපාල සිරිසේන මහතාට උණුසුම් පිළිගැනීමක් හිමිවිය.
ශී‍්‍ර ලංකාවේ රාජ්‍ය නායකයෙකුට ඒ සඳහා ආරාධනා ලැබුණු ප‍්‍රථම අවස්ථාව මෙයයි.
ජී- 7 සමුළුවේ වත්මන් සභාපති ජපාන අගමැති ෂින්සෝ අබේ ගේ විශේෂ නිල ආරාධනයෙන් සමුළුවට සහභාගීවූ මෛත්‍රිපාල සිරිසේන ජනපති ජපාන අග‍්‍රාමාත්‍යවරයා විසින් ඉතා උණුසුම් ලෙස පිළිගත් අතර කැනඩා අග‍්‍රාමාත්‍ය ජස්ටින් ටෲඩෝ, බි‍්‍රතාන්‍ය අගමැති ඩේවිඩ් කැමරන්, ජර්මන් චාන්සලර් ඇන්ජෙලා මර්කල් මෙන්ම ඇමරිකන් ජනාධිපති බැරැක් ඔබාමා ද ජනපති අසලටම පැමිණ සිය සුභාශීංසන පළ කළහ.
ශී‍්‍ර ලංකාව දෙස නැවුම් මුහුණුවරකින් බලමින් ශී‍්‍ර ලංකාවේ ඉදිරි ගමන් මග වෙනුවෙන් ලබාදිය හැකි සෑම සහයක්ම ලබාදෙන බව එම රාජ්‍ය නායකයෝ කීහ.
