දිඹුලාගල නාමල් පොකුණේ කෙත් ඇල කෙළවර පමා වී යල කන්නයේ වී වගා කළ ගොවීන් පිරිසක් පවසනුයේ අක්කර 300 ක පමණ වී වගාව සම්පූර්ණයෙන්ම විනාශ වුණු බවයි.
මහවැලි නිලධරයන් කියනුයේ යල කන්නයේ කෙත් ඇල කෙළවර ගොවීනට වී වගා නොකරන ලෙස උපදෙස් දෙන බවයි.
මහවැලි උපදෙස් නොතකා ඔවුන් වී වගා කර ඇති බවත් කියති.
මාදුරු ඔයෙන් ජලය ලබන දළුකාන වැවෙන් මහ කන්නයේ මේ කුඹුරු වලට ප්‍රශ්නයක් නැතිව ජලය සැපයේ.
නාමල් පොකුණ ගොවි සංවිධාන ලේකම් අයි.එම්.එස් කුමාර මහතා පවසනුයේ ගොවීන් 205 දෙනෙකු අක්කර 550 කට වැඩි ප්‍රමාණයක් වී වගා කළ බවත් ඉන් කොටසකට ජලය නොලැබුණු නිසා කුඹුරු විනාශ වුනු බවත් ඔහු කියයි. එසේ විනාශ වූ කුඹුරු වලට එම ගොවීහු අද (11) ගිනි තැබූහ.
