ගලේවෙල පට්ටිවෙල ප්‍රදේශයේ පදිංචි එස්.ඒ. රත්නපාල (51) ගොවි මහතා වසර ගණනාවක සිට රසායනික පොහොර භාවිතයෙන් තොරව එළවලු හා දේශීය ලොකු ලූනු වගාකරන ගොවියෙකි .
දෙදරු පියකු වූ ඔහු මෙවරද අක්කර 30ක් ලූනු වගාවට සැරසෙන අතර මේ සියල්ල වගා කරනු ලබන්නේ ගොම හා කාබනික පොහොර භාවිතා කරමිනි. මෙම ගොවි මහතා දිනපතා පනස් දෙනෙකුට පමණ රැකියා ලබා දෙයි. 1984 වසරේ අක්කර කාලකින් ආරම්භ කළ වගාව මිට වසර පහක සිට සම්පුර්ණයෙන් වස විසෙන් තොරව නිෂ්පාදන කිරීම විශිෂත්වයකි .
ගොම පොහොර නැගෙනහිර පලාතෙන් ගෙන්වන බවත් කාබනික පොහොර කිලෝව රු 11 බැගින් මිලදී ගන්නා බවත් ඔහු කීවේය. එක අක්කරයකින් ලොකු ලුණු කිලෝ 120000 ක් අස්වැන්නක් ලබාගැනීමට හැකිවන පරිදි පස හුරු කරගැනීමට හැකිවූ බවද රතනපාල මහතා පැවසිය.
වස විස නැති දේශීය සහල් හා එළවළු වගාව දැන් රටේ ටිකෙන් ටික වර්ධනය වෙමින් පවතී. මේ සඳහා අතුරුලියේ රතන හිමි සහ මෛත්‍රීපාල සිරිසේන ජනපති මුල්තැන ගෙන කටයුතු කිරීම ඊට ප්‍රධාන හේතුව වී ඇත.
