පාර්ලිමේන්තු මන්ත්රී විජිත හේරත් මහතා පැදවූ රිය රාජගිරියේදී පාරෙන් ඉවතට පැන දුරකථන රැහැන් කණුවක ගැටීමෙන් පසු ඔහු අත්අඩංගුවට ගෙන පොලිස් ඇප මත මුදා හළ බව වැලිකඩ පොලිස් ආරංචි කියයි.
අනතුර සම්බන්ධයෙන් අදහස් දක්වමින් ජනතා විමුක්ති පෙරමුණේ ප‍්‍රචාරක ලේකම්, පාර්ලිමේන්තු මන්ත්රී විජිත හේරත් මහතා කියා සිටියේ පාර හරහා පැනීමට ගිය පුද්ගලයෙකු බේරාගැනීම සඳහා වාහනය වම් පසට ගත් අවස්ථාවේ එය දුරකථන කුළුණක වැදුණු බවත්, ඒ අවස්ථාවේ තමන් බීමතින් සිටි බවට පළවන වාර්තාවන්හි කිසිඳු සත්‍යතාවයක් නැති බවත්ය.
