‘රටක් ජාතියක් හැටියට එක දේශපාලන මතයක් ගැන අපි එක දිගට කටයුතු කර ඇති බවත් 87 ඉන්දු ලංකා ගිවිසුම නිසා පාසලේ උසස් අධ්‍යාපනය නතර කරන්න සිදුවුණා. අප පුර්ණ කාලීනව ජනතා විමුක්ති පෙරමුණේ දේශපාලනයට ආවා.‘ යැයි විමල් විරවංශ මහතා ගැටඹේ රාජෝපවනාරාම විහාරාධිපති කැප්පෙටියාගොඩ සිරිවිමල හිමියන් හමුවේ පැවැසිය.
එදා ඉන්දු ලංකා ගිවිසුම ගැන ඇතිවෙච්ච විරෝධ ආකල්ප නිසා ඒ විදියට අධ්‍යාපනය නවතා ආ බවත් අපි ඒ පරම්පරාවේ මිනිසුන් බවද ඔහු කිය.
ජාතික නිදහස් පෙරමුණේ නායක වීරවංශ මහතා ඇතුළු ජාතික නිදහස් පෙරමුණේ සාමාජිකයෝ පිරිසක් සිරිවිමල හිමියන් බැහැදැක යෝජිත නව ව්‍යවස්ථාව මගින් රටේ ඒකීය භාවයට තර්ජනයක් වන බව හා එමගින් රටට තවත් අහිතකර ප්‍රතිපල උදාවිය හැකි බැවින් ඒ පිළිබඳ මහානාහිමිවරුන් ඇතුළු මහා සංඝයා දැනුවත් කිරීමට ආ බවත් ඔහු කීවේය.
