ශ්‍රී ලංකාව සම්බන්ධයෙන් එක්සත් ජාතීන්ගේ සංවිධානය තුළ දෙබඩි ස්ථාවරයක් නැති බවත් , එක්සත් ජාතීන් ගේ සංවිධානය තම සෑම සාමාජිකයෙකු වෙනුවෙන්ම පොදු ප‍්‍රතිපත්තියක සිට කටයුතු කිරීම බැඳී සිටින බවත් එක්සත් ජාතීන්ගේ මහ ලේකම් බැන් කී මූන් අද (02) කොළඹදී පැවසීය.
දශක කිහිපයක් පුරා ලංකාවේ පැවති ගැටලූ විසඳීම වත්මන් රජය හැකි උපරිමයෙන් කටයුතු කරන ආකරය තමන් අගය කරන බවද රටේ වගවීම හා සංහිඳියාව වර්ධනය කරගැනීමේ රජයේ කටයුත්තට එක්සත් ජාතීන්ගේ සංවිධානය නිරන්තරයෙන් අවශ්‍ය සහයෝගය ලබා දෙන බවද මූන් මහතා කීවේය.
ශ්‍රී ලංකාවේ සංහිඳියා යාන්ත‍්‍රණය සඳහා විදේශීය විනසුරුවරුන්ගේ සහාය ලබා දීම සම්බන්ධයෙන් නැඟූ ප‍්‍රශ්නයට පිළිතුරු දීමෙන් මහ ලේකම්වරයා වැළකී සිටියේය.
එක්සත් ජාතීන්ගේ මහලේකම්වරයා මේ බව කියා සිටියේ සිය දෙදින නිල සංචාරය අවසන් කරමින් අද (02) කොළඹ ගාලූමුවදොර හෝටලයේ පැවති ප‍්‍රවෘත්ති සාකච්ඡාවකට සහභාගී වෙමිනි.
