සත්‍ය සෙවීමේ කොමිසම පිහිටුවීම සඳහා වන නව පනතක් ලබන ඔක්තෝබර් මාසයේදී පාර්ලිමේන්තුවට ඉදිරිපත් කිරීමට රජය කටයුතු කරන බව විදේශ කටයුතු අමාත්‍ය මංගල සමරවීර කීවේය.
මෙම කොමිසම පිහිටුවීමට අදාළව දැනටමත් මහජනතාවගේ අදහස් ලබා ගැනීමේ කටයුතු රජය විසින් සිදු කර ගෙන යන බවත් එම සියලූ කටයුතු අවසන් වීමෙන් පසුව මේ සම්බන්ධයෙන් වන නව පනත ඉදිරිපත් කෙරෙන බවද අමාත්‍යවරයා පැවසීය.
නව ආණ්ඩුක‍්‍රම ව්‍යවස්ථාවක් සඳහා වන ව්‍යවස්ථා කෙටුම්පතක් ලබන නොවැම්බර් මාසයේ මැද පාර්ලිමේන්තුවට ඉදිරිපත් කිරීමට රජය බලාපොරොත්තු වන බවද මෙම නව ව්‍යවස්ථා කොටුම්පත බොහෝ දුරට එම මාසයේ ඉදිරිපත් කෙරෙන 2017 අයවැය යෝජනා වලට පෙර ඉදිරිපත් කෙරෙනු ඇතැයි‍ෙ සමරවීර මහතා කීවේය.
විදේශ අමාත්‍යවරයා මේ බව කියා සිටියේ අද (29) විදේශ කටයුතු අමාත්‍යාංශයේ පැවති මාධ්‍ය හමුවකදීය.
