ස්විට්සර්ලන්ත සුරිච් බුලක් නගර ශාලාවේ අද (09) ඇරඹුණු තුන් දින වෙළඳ හා සංස්කෘතික ප්‍රදර්ශන භූමිය ඉදිරිපිට කොටි හිතවාදීන් පවත් වන්නට ගිය උද්ඝෝෂණය ස්විස් පොලිසිය අඩපණ කළේය.
මෙම ප්‍රදර්ශනයට විරෝධය පළ කරමින් කොටි හිතවාදීන් සූදානම් වී ඇත්තේ එම ශාලාවේ ඉදිරිපිට උද්ඝෝෂණය පැවැත්වීමටයි. පැමිණිල්ලක් ලැබීම නිසා ස්විට්සර්ලන්ත පොලිසිය උද්ඝෝෂකයන්ට නියෝග කර ඇත්තේ ප්‍රදර්ශනය පැවැත්වෙන නගර ශාලාවේ සිට කිලෝමීටරයක් ඈතින් ඔවුන්ගේ උඋද්ඝෝෂණය කළ හැකි බවත් ප්‍රදර්ශනය පැවැත්වෙන ස්ථානය අසල උද්ඝෝෂණය කිරීඹ පොලිසිය විසින් තහනම් කර ඇති අතර ඔවුන් ඒ අසලට පැමිණියහොත් අත්අඩංගුවට ගන්නා බව දැනුම් දී ඇත.
මෙම වෙළඳ හා සංස්කෘතික ප්‍රදර්ශනය සැමට නොමිලේ විවෘත අතර සුවිස් ජාතිකයන් සහ විදේශිකයන් විශාල පිරිසක් සහභාගී වනු ඇතැයි බලාපොරොත්තු වන බව මෙම ප්‍රදර්ශනය සංවිධානය කරන සුරිච් කොස්සියුලර් විදර්ශන මුණසිංහ මහතා කීවේය.
ශ්‍රි ලංකාවේ වෙසෙන සිංහල - දෙමළ - මුස්ලිම් වැසියන්ගේ ප්‍රධාන ආහාර ඇතුළු ආහාර පාවන කුටි 30 ක් සහ ශ්‍රි ලංකාවේ නිපදවන වෙළඳ භාණ්ඩ කුටි 30 ක් ද මෙහි ඇතුළත් වෙයි.
සංචාරකයන් අතර අතිශයින් ජනප්‍රිය පාරම්පරික උඩරට ජන නැටුම් සහ ශ්‍රි ලංකාවේ දමිල සංස්කෘතිය විදහා දක්වන හාරත නැටුම් සහ නාදස්වරම් - බෙරවාදන මෙම ප්‍රදර්ශනයට ඇතුලත් වන අතර, ශ්‍රී ලංකා පෙර අපරදිග සංගීත කණ්ඩායම් කීපයක් මෙම උත්සවයට සහභාගී වන්නට නියමිතය.
