ජනප්‍රිය බොලිවුඩ් සිනමා තරු යුවලක් වූ සායිෆ් අලී ඛාන් හා ඔහුගේ බිරිඳ කරීනා කපූර් ඛාන් මේ දිනවල එංගලන්තයේ ලන්ඩන් නුවරට ගොස් තිබේ. ඔවුන් මෙසේ ලන්ඩන් නගරයට ගොස් ඇත්තේ දින 7ක කෙටි නිවාඩුවක් ගත කිරීමට බව සඳහන් වේ. පසුගිය මාස කිහිපයේදීම සිය වෘත්තින් වෙනුවෙන් වැඩි කැප කිරීමක් කළ නිසාවෙන් මෙසේ තාවකාලිව විවෙකයක් ලබා ගැනීම සඳහා ඔවුන් දෙදෙනා ලන්ඩන් නගරයට ගොස් මෙම නිවාඩුව ගත කිරීමට තිරණය කළ බව සායිෆ් අලී ඛාන් සිය 'ටිවිටර්' ගිණුමේ සඳහන් කොට ඇත.
කෙසේ වෙතත්, කරීනා මෙම පුවත පළ වී තිබූ 'සන්ටා බන්ටා' වෙබ් අඩවිය සමග එක්වෙමින් පවසා තිබුණේ ජුනි 17 වැනිදා ප්‍රදර්ශනය කිරීමට නියමිතව ඇති අභිෂේක් වචුබේගේ 'උද්තා පන්ජාබ්' චිත්‍රපටයේ ප්‍රචාරක කටයුතු සඳහා සම්බන්ධ වීමට තමා ඉතා ඉක්මනින් මෙම කෙටි නිවාඩුව අවසන් කිරීමට බලාපොරොත්තුවෙන් සිටින බවය.
මේ වසරේ කිසිදු චිත්‍රපටයක් සඳහා සිය දායකත්වය සපයා නැති සායිෆ් අලී ඛාන්ගේ මීළඟ බොලිවුඩ් චිත්‍රපටය ප්‍රදර්ශනය වීමට නියමිතව ඇත්තේ ලබන වසරේ පෙබරවාරි 17 වැනිදාය. ඒ විශාල් බද්වාජිගේ 'රන්ගෝන්' චිත්‍රපටයයි. මෙහි ඔහු කාලයක් විරසකව සිටි බොලිවුඩ් සිනමා නළු ෂාහිඩ් කපූර් සමගින් ප්‍රධාන චරිත නිරූපණය කිරීම විශේෂත්වයකි.
