සාලාව අනතුරින් හානියට පත් පාසල් පිරිසිදු කිරීම සඳහා පාසල් කිහිපයක් වසන්නැයි හමුදාව අගමැති රනිල් වික්‍රමසිංහ මහතා සමග අද (6) පැවැති සාකච්ඡාවකදී කළ ඉල්ලීමක් අනුව සීතාවක අධ්‍යාපන කොට්ඨාසයේ පාසල් 7කට අඟහරුවාදා (6) නිවාඩු ලබාදීමට තීරණය කර ඇතැයි බස්නාහිර පළාත් අමාත්‍ය රංජිත් සෝමවංශ මහතා පවසයි.
ඒ අනුව අකරවිට මහා විද්‍යාලය, සාලාව මධ්‍ය විද්‍යාලය, කළුඅග්ගල සිද්ධාර්ථ කණිටු විදුහල, ශාන්ත ජෝන් බොස්කෝ මහා විද්‍යාලය, කොස්ගම සුමේධ විද්‍යාලය, කඩුගොඩ කණිටු විද්‍යාලය සහ කොස්ගම මහා විද්‍යාලය අඟහරුවාදා වසා තැබෙනු ඇත.
