ශ්‍රී ලංකන් ගුවන් සේවය හා මත්තල මහින්ද රාජපක්ෂ ගුවන් තොටුපොළ පිහිට වීමට ගත් අධික ණය බර නිසා බදු ගෙවන්නාට එම ණය දැරීමට නොහැකි හෙයින් පෞද්ගලික අංශ සමග එක් වී මෙම ආයතන පවත්වාගෙන යා යුතු බවත් එසේ නොවුනහොත් ඒවා වසා දැමීමට සිදු විය හැකි බවත් රනිල් වික්‍රමසිංහ අගමැති පාර්ලිමේන්තුවේ දී කියා සිටියේය.
ජනතා විමුක්ති පෙරමුණේ පාර්ලිමේන්තු මන්ත්‍රී දොස්තර නලින්ද හේරත් නැගූ ප්‍රශ්නයකට පිළිතුරු දෙමින් මෙසේ කීවේය.
අගය එකතු කිරීමේ වැට් බද්ද ඉහළ දැමීමේ නීති රීති නව අය වැය යෝජනා සමග ඉදිරිපත් කරන බවද අගමැති කීවේය.
