තිරගත වූ පළමු දිනයේදීම ඉන්දීය රුපියල් කෝටි 5කට වඩා වැඩි මුදලක් උපයා ගන්නට සොනක්ෂි සින්හා රඟන "අකීරා" චිත්‍රපටය සමත්ව විය. ඒ අනුව බොලිවුඩයේ එදා මෙදා තුර තිරගත වු කාන්තා භූමිකාවක් සහිත බොලිවුඩ් චිත්‍රපට අතරින් තිරගත වූ පළමු දිනයේදී වැඩිම මුදලක් උපයාගන්නට සමත්වූ කාන්තා චිත්‍රපට අතරින් සිවුවැනි තැනට පත්වීමට "අකීරා" චිත්‍රපටයට හැකිව තිබේ.

"අකීරා" චිත්‍රපටය පෙර ප්‍රියංකා චොප්රාගේ "මාරි කොම්" ඉන්දීය රුපියල් කෝටි 8.40ක්ද, ඇයගේම "ගංගාජාල්" චිත්‍රපටය ඉන්දීය රුපියල් කෝටි 5.50ක්ද, දීපිකා පදුකෝන් රඟපෑ "පීකු" චිත්‍රපටය ඉන්දීය රුපියල් කෝටි 5.32ක්ද තිරගත වූ මුල් දිනයේදී උපයා ගන්නට සමත්ව ඇත.

කෙසේ වෙතත්, "අකීරා" උපයාගත් මුදලින් මෙම ලැයිස්තුවේ සිවුවැනි තැන සිටි සෝනම් කපුර්ගේ "නිර්ජා" චිත්‍රපටය පස්වැනි තැන දක්වා පහළට ගොස් ඇත. එම චිත්‍රපටය තිරගත වු පළමු දිනයේදී උපයාගත් මුදල ඉන්දීය රුපියල් කෝටි 4.70ක මුදලකි.